Deprecated: preg_split(): Passing null to parameter #2 ($subject) of type string is deprecated in /var/www/html/colaboratorioic.org/wp-includes/formatting.php on line 3506

Política de privacidade e protección de datos

En cumprimento da normativa de protección de datos persoais (LOPD), comunicámosche que a corresponsabilidade sobre o tratamento dos datos persoais que facilites a través dos distintos formularios da web recaerá nos Axentes Promotores do Colaboratorio IC, que actualmente son os seguintes:

  • Canòdrom, Ateneu D’Innovaciò Digital I Democràtica,  Carrer Concepció Arenal 165, 08027 Barcelona.
  • Carpe, Palza Vicente Iborra 8, escalera A, piso 1, puerta 2, 46003 València
  • Citilab, Laboratori ciutadà d’innovaciò social i tecnològica, Pl. Can Suris s/n, 08940 Cornellà de Llobregat.
  • ColaBoraBora koop. elk. txikia, Plaza de La Cantera, 5 – 2º, 48003 Bilbao, info@colaborabora.org
  • LAAAB (Laboratorio de Aragón[Gobierno] Abierto), Plaza del Pilar, 3, 50003 Zaragoza.
  • Las Naves (Fundación de la Comunidad Valenciana para la Promoción Estratégica, el Desarrollo y la Innovación Urbana ), Calle Joan Verdeguer 16, 46004, Valencia.
  • Medialab Tabakalera, Herritarren sorkuntza eta esperimentaziorako gunea, Pl. de las Cigarreras, 1, 20012 Donostia-San Sebastian, Gipuzkoa.

Para que tratamos os teus datos persoais?

En xeral, a recollida e o tratamento dos datos persoais a través dos formularios da web do Colaboratorio IC ten como finalidade:

  • Permitir que organizacións e persoas se rexistren como parte activa da comunidade do Colaboratorio IC.
  • Recoller as inscricións ao MANIFESTO!
  • Permitir o indexado de axentes e iniciativas relacionados coa Innovación Cidadá.
  • Enviar boletíns periódicos ou facer outros envíos extraordinarios mediante correo electrónico, lista de correo ou aplicacións de mensaxería móbil, que serán relativos a convocatorias, publicacións, noticias ou outra información vinculada directamente coa actividade do Colaboratorio IC.
  • Atender e xestionar adecuadamente as consultas, comentarios, incidencias ou suxestións remitidas ou expresadas na web.

Formularios de recompilación de datos para a participación ou para darse de alta no boletín do Colaboratorio IC

A base legal para o tratamento dos teus datos persoais é o consentimento que outorgas ao encher os distintos formularios da web. Recordámosche que podes retirar o teu consentimento en calquera momento, mais sen efecto retroactivo.

  • Acepto o tratamento dos meus datos persoais (campo obrigatorio).
  • Quero recibir máis información relacionada co Colaboratorio IC (campo obrigatorio).

Algúns dos datos que solicitamos son obrigatorios e outros opcionais. Do mesmo xeito, hai datos que terán visibilidade pública e outros que non. Estas cuestións especifícanse claramente nos seus respectivos formularios.

Contido incrustado desde outros sitios web.

Na web tamén hai contidos incrustados desde outras páxinas, como vídeos, imaxes, publicacións ou redes sociais, entre outros. Con respecto á xestión de datos persoais e das cookies nestes casos, o acceso a estes contidos equivale a que a persoa usuaria visitara a páxina de orixe de cada contido.

Quen pode ser cesionario ou destinatario dos teus datos persoais?

O Colaboratorio IC non comparte os datos das persoas usuarias con terceiros, agás nos supostos necesarios para o desenvolvemento, control e cumprimento das finalidades expresadas nos supostos que recolle a lei.

Durante canto tempo conservamos os teus datos persoais?

Conservamos os datos indefinidamente ata a finalización da actividade do Colaboratorio IC. Chegado ese momento, poderemos conservar os datos, debidamente bloqueados, ata a prescrición das accións legais que poidan derivarse.

Que dereitos tes sobre os teus datos?

Tes dereito a acceder aos teus datos persoais obxecto de tratamento, así como a pedir a rectificación dos datos inexactos e a solicitar a súa supresión cando xa non sexan necesarios para os fins para os que se recolleron. Ademais, podes exercer o dereito de oposición e limitación ao tratamento e á portabilidade dos datos. Para facelo, diríxete por correo electrónico ao enderezo info@colaboratorioic.org e indica «Protección de datos» no asunto. Será preciso que achegues a seguinte información: nome e apelidos, domicilio a efectos de notificacións, petición do dereito que queres exercer e copia do DNI, NIE ou pasaporte.

No caso de considerares que se infrinxiu algún dos teus dereitos, podes presentar unha reclamación ante a Axencia Española de Protección de Datos.

Seguranza dos datos persoais

Os corresponsables adoptarán no seu sistema de información as medidas técnicas e organizativas adecuadas para cumprir o principio de responsabilidade proactiva a fin de garantir a seguranza e a confidencialidade dos datos almacenados de maneira que se evite a súa alteración, perda, tratamento ou acceso non autorizado.

Cookies

  • No Colaboratorio IC, utilizamos cookies propias e de terceiros para mellorar a experiencia das persoas usuarias da web. As cookies son pequenos ficheiros que se almacenan no navegador ao acceder a unha web. As súas funcións son moi variadas: optimizar cuestións técnicas, recuperar preferencias de navegación e opcións personalizadas (idiomas, visualización…), recompilar información estatística, interactuar con redes sociais, utilizar áreas seguras, permitir posibilidades de rexistro ou xeolocalización etc.
  • Só utilizamos as cookies estritamente necesarias e esenciais para o funcionamento óptimo da web. Poderán incorporarse cookies novas relativas a funcionalidades e servizos que se vaian habilitando.
  • Podes aceptar todas as cookies ou, se simplemente continúas navegando, daremos por feito que estás de acordo. Nas opcións de configuración do navegador, podes activar a navegación en modo privado ou de incógnito, que automatiza a eliminación de cookies ao finalizar a sesión. Ademais, podes seleccionar e cambiar a túa configuración, retirar o consentimento ou obter máis información desde aquí.
  • Se rexeitas as cookies, poderás seguir utilizando a web, aínda que isto afecte ao seu desempeño. Algunhas funcionalidades e servizos quedarán deshabilitados.

Podes atopar máis información xeral sobre as cookies e sobre como xestionalas no menú de Axuda do navegador, en webs como allaboutcookies.org ou na «Guía sobre o uso das cookies» que publicou a Axencia Española de Protección de Datos e á que se pode acceder desde a súa páxina web.

Netiqueta

Política de uso e participación nas canles de comunicación interna do Colaboratorio IC

A Netiqueta é un instrumento para optimizar a comunicación, facilitar a convivencia e axudar a resolver posibles conflitos nas listas e grupos existentes no seo de comunidades dixitais. Neste caso, contribúe a manter un bo ambiente relacional arredor do Colaboratorio IC, un espazo de encontro, conexión e acción que é inclusivo e está autoorganizado e cuxo obxectivo é artellar o ecosistema de Innovación Cidadá.

Pregámosche que a leas con atención, que a respectes e que axudes a mellorala porque está aberta e en revisión constante.

Pautas básicas e código ético

As listas e grupos do Colaboratorio IC teñen como obxectivo facilitar a xestión participativa e distribuída, conectarse, manter conversas e compartir información e experiencias relacionadas co ámbito que nos reúne. Ademais, serven para organizar equipos de traballo e accións acordadas en colectivo ou para debater sobre o propio funcionamento do grupo. Participar implica seguir unha serie de pautas e un código ético:

  1. A primeira vez, empeza por presentarte. Opta por algo breve e sinxelo: nome ou alcume, intereses e actividades e ligazóns para obter máis información.
  2. A lingua principal de expresión nestes espazos é o castelán. Exprésate con certa ecoloxía. Non acapares un protagonismo excesivo nin monopolices os espazos comúns nin as conversas. Axuda a manter os debates nun ambiente san, educativo e construtivo. Le as mensaxes anteriores antes de intervir. Comparte o teu coñecemento coa comunidade, pero evita a autopromoción, a publicidade e a transmisión de mensaxes non desexadas. Coida a redacción. Tenta non discutir por discutir e, por favor, non fomentes os trols.
  3. Nas listas ou grupos que o permitan, podes abrir un fío de conversa sobre un tema determinado. Nese caso, especifica un título (tema ou asunto) que sexa breve, reflicta o contido e permita identificar e seguir comodamente o fío.
  4. En ocasións, o fluxo de información pode chegar a ser complexo. Por iso, recomendamos que, ademais do asunto (subject), as mensaxes inclúan entre [corchetes] unha palabra que funcione como categoría identificativa, de maneira que as integrantes poidan ter unha primeira aproximación ao contido do correo. Suxírense as seguintes categorías xerais:[PRESENTACIÓN]: presentarse cando se accede ao grupo.[CONVOCATORIA]: peticións de axuda (difusión por redes sociais, unirse a un proxecto etc.).[GT ____]: para informar sobre algún dos Grupos de Traballo que están en funcionamento. Cada grupo identificarase de maneira descritiva. Por exemplo: [GT COORDINACIÓN], [GT FERRAMENTAS] ou [GT INCIDENCIA].[RECURSO]: compartir un recurso útil para a comunidade.[INFO]: compartir artigos ou ligazóns interesantes.[ORG]: cuestións da organización do grupo ou da lista.[DUDA] (DÚBIDA): solicitar axuda para unha cuestión concreta.[OFFTOPIC]: para mensaxes que non estean directamente relacionadas co tema da lista ou do grupo.
  5. Respecta os fíos da conversa. Trata só un tema ou pregunta en cada mensaxe, que se relacionará co tema da lista ou do grupo e o fío en cuestión (On-Topic). Se queres tratar un tema distinto, abre outro fío. Non abras díos innecesarios. Se xa existe un fío sobre o asunto, non abras outro novo. Esa acción consideraríase ruído.
  6. As mensaxes que non sexan construtivas ou que non estean relacionadas co tema, así como outro tipo de abusos, non teñen boa acollida. Non se permiten a linguaxe nin os comportamentos ofensivos baseados no xénero, etnia, crenza, relixión, condición social ou calquera outro aspecto que atente contra a convivencia desde a diferenza.
  7. Evita ataques persoais e respostas baseadas en prexuízos, relacións anteriores ou conversas noutras listas. Cínxete ao ocorrido e expresado aquí ou, en todo caso, expón claramente os teus argumentos para que o resto poida entendelos ou defenderse de maneira apropiada. Non suplantes nin multipliques identidades. Non fagas grupos para atacar outras persoas. Non digas algo que non dirías á cara e non te esquezas nunca de que a persoa que le a mensaxe ten sentimentos e de que podes ferilos. Non actúes de xeito manipulador ou tendencioso.
  8. Evita escribir en maiúsculas porque se considera BERRAR e dificulta a lectura. Sempre que poidas, non anexes arquivos (é mellor unha ligazón). Usa texto sinxelo, non HTML.
  9. Protexe a túa privacidade e a de terceiras persoas. Non reveles contrasinais, números de tarxeta ou calquera outro dato que consideres delicado ou persoal. Tampouco envíes información confidencial nin material se non tes a súa licenza.
  10. Subscribirse e cancelar a subscrición ás listas e aos grupos de comunicación do Colaboratorio IC pódese facer de xeito voluntario e gratuíto. En cada caso, farase segundo as especificacións derivadas de cada ferramenta ou plataforma. Se xorden problemas no proceso de subscrición ou cancelación da subscrición, pregámosche que te poñas en contacto con info@colaboratorioic.org.

Moderación e sancións polo incumprimento da Netiqueta

O Equipo de Moderación do Colaboratorio IC xestiona as listas e os grupos e encárgase de facer o necesario para que funcionen correctamente e para restrinxir os abusos dos que se informe a fin de manter un funcionamento normal e ininterrompido do servizo.

  1. O Equipo de Moderación non é responsable dos envíos que se produzan ou de calquera cousa que poida ocorrer ao respecto deles. A responsabilidade recae nas persoas que os emiten.
  2. O Equipo de Moderación ten potestade para moderar ou expulsar as persoas usuarias de conformidade coas normas acordadas de maneira colectiva. O Equipo de Moderación poderá recusarse se se considera que non exerce a súa función de maneira adecuada ou se excede.
  3. Se unha persoa usuaria quere denunciar o comportamento doutra, deberá comunicarlle o motivo da denuncia ao Equipo de Moderación e achegar probas relativas ao motivo (incluír mensaxes ou parágrafos relevantes e indicar os aspectos da Netiqueta que non se respectan).
  4. A usuaria aludida poderá xustificar a súa actitude ou pedir desculpas.
  5. As sancións acordadas nesta lista ou grupo son as seguintes:
    • Moderación inicial (2 semanas): cando alguén incumpre 3 veces a Netiqueta.
    • Moderación temporal (4 semanas): no caso das persoas que xa tiveron un proceso previo de moderación.
    • Expulsión: cando se demostre que se produciu unha reincidencia ou ocorran faltas graves. A persoa sancionada só poderá regresar convidada e co respaldo explícito de, polo menos, tres membros da lista e unha persoa do Equipo de Moderación.
    • Expulsión definitiva: se, despois dun primeiro proceso de expulsión, unha persoa se readmite e reincide no incumprimento da Netiqueta, producirase a expulsión definitiva da mesma sen posibilidade de regreso.
  6. Non se permite o envío de mensaxes non desexadas ou publicidade non solicitada. Bloquearase a participación de quen remita estas mensaxes ou tomaranse as medidas pertinentes.
  7. Cando se considere que hai unha interrupción coordinada de varias persoas usuarias para romper a harmonía da comunidade, o Equipo de Moderación poderá apartalas de maneira preventiva ata adoptar a medida apropiada. Se se demostra que unha persoa coordinou a irrupción e o ataque, considerarase unha falta grave ou incluso definitiva, en función do dano provocado.
  8. Cando se produzan outras situacións extraordinarias que xeren controversia, abrirase un proceso colectivo para tomar as medidas apropiadas.

Fonte e licenza de uso

Esta Netiqueta é unha adaptación da que se creou para a lista de correo P2P+Comunes (P2P+Comúns) e que, á súa vez, foi posible grazas a outras Netiquetas preexistentes, entre as que se inclúen as de Clone Wars, Debian, Hacktivistas, Las Indias ou Wikipedia.

Sométese á licenza CC-BY-SA para que poida reutilizarse e adaptarse.

Suscríbete a nuestro boletín